إيمان دعبل
فراشةٌ في دهشة الضوءأرشيف لـمرازيم المطر
صباح الخير
صباحي ماصخ بلياك
بليا السكر امن شفاك
صباحي لاذعٍ طعمه
بليا الشهد من رياك
تعال وحلي أيامي
وذوب عيني افعيناك
تعال أصباحي تنتظرك
وليلي يقول لك حياك
ليش إذا ما جيت أكلمك ؟!
ليش إذا ماجيت أكلمك ينتثر مني الكلام ؟!
ولو ألمه يضيع مني ولو لقيته بصدري حام !!
يطير مني وما أصيده جنه أسراب الحمام
ليش إذا ماجيت أكلمك ينطفي صوتي ؟! حرام
مساي
مساي مكدر بلياك
بليا الضحكة بين شفاك
مساي مظلّم بعيني
لأني ما شفت عيناك
يا بدري اليلمع بروحي
متى تنورني أترياك؟؟
صباحي
صباحي يبهت بلياك
بليا طلة محياك
صباحي غمض عيونه
ومااشوف إلا ضي عيناك
ياشمسي لا تجافيني
صباحي وده بس يلقاك !!
مع إنك
مع انك تملك احساسي
ومع انك تاجي ولباسي
ولك صورة بخيالاتي
وصوتك دايم براسي
ومع انك تشغل أفكاري
وحبك صار وسواسي
ومع انك تسرح بدمي
وطيفك يحبس أنفاسي
ومع اني أشرق باسمك
وريقك هالعسل كاسي
أحس أشتاق لك دايم
فديتك يا أعز ناسي
ضمني يا صاحبي
ضمني يا صاحبي همي ثقيل
شيل حملي وياي ظهري لا يميل
وخلّنا نقسم رغيف النازلات
ونشرب الكاس اللي ماتروي الغليل
خلّنا نصبر يا خلي على الشجون
غص واصبر..الصبر با الله جميل
غيمة هوى
تمر مر النسيم تداعب أنسامي
وتلاطف قلبي الموجوع بآلامي
تمر غيمة هوى تمطر وأنا ظامي
وتروّي الروح من تتراود احلامي
كيف أنزع سهم حبك ؟؟ !!
يهزني الشوق لو تبعد
أحس كل عالمي مهزوز
كيف أنزع سهم حبك ..
وهو سط القلب مغروز ؟؟!!
يا سمير الروح
يا سمير الروح يا وجد الغرام
ودي لو أحضن جفوفك بالسلام
ودي أتوسد ضلوعك واستريح
وأسدل أهدابي على طيفك وأنام
